4 I dad gman i to fulung faldam gumwè i dademe kfulungla, na too mngalam gambet i mahin, na too fye gambet kaloh i yéél.
5 Là sa fye ku i to gal mukum msen di to nun salà, na là fakay ku laan banlé kagalwà i to landè salà.
6 I talù i to là fulung faldam, én gutambù i ksugak, na tatian mimò i tdukan.
7 I gafalmo i to là fulung faldam, dunan i dad galan gman, na mfawel sa mdà di kenen dad talù.
8 I kastugad salék too kanbayan fanlinge i dad to, di dale salngad knaan too fye i neman na too fye nawala mlo dun.
9 I to malwe mimò, salngad ksasè i to gal falmo.
10 Dwata salngad i bong mgal gumnè i gal gumila i dad to matlu, du fye giwas ale di sasè.
11 I dad to nun knun, fandamla i knunla kamlung dale, salngad kaklung i bong mdatah labat batu glibut i syudad.
