13 I to là funa flinge klon tmimel, kenen i to là fulung faldam na nimoan i gumyaan.
14 I to fangalan i nawan di bang i nun fdasan, ani i dalanantmabeng i kton, du fye mto, bay i to flungay i nawan di nun fdasan, landè imen nawan ku mto fakenen.
15 I to nun kaglabat too mayè ku matnù i gnadean, na i to fulung faldam too flinge, du fye matnù i gnadean.
16 Ku mayè ge smite i satu bong to, mebe ge i blém kenen, fye mlal site.
17 I to muna talù di usay, fnaglutam glut i gmanan di là fa snalek i to demen susay.
18 Ku nun lwe mdatah to i masbalà di usay, na malima musay, fakay sulat i dagitla na kanligong, na simto dagit i muna lamwà, kenen mgalék i nun kaglut, na anigmagan musay dale.
19 I flanekam tafatdukam i nawan, too malima samfulê di fye i nawange, na ku nugakam fa, én too gablabal di kasafyeyu.
