4 Ku landè lmanaf damyol i daru, landè lam i lawigam, bay fagu di tabeng i lmanaf bong i kantum.
5 I to gsalig tmulen di gususay too tmulen i kaglut, bay i to là gsalig alò tmulen kakakéng.
6 I to gal madoy, mngabal i kfulung, bay landè teenan, bay i to nun kaglabatan, mlal kenen gambet.
7 Fawag ge di to là fulung faldam, du landè fye gagbetam di kenen.
8 I kfulung i to fulung mebe i kton, gmadè sa kenen ku tan inimoan, bay i to là fulung faldam, én fandaman gmadè kenen ku tan inimoan, bay fangawan i kton.
