9 Gei au dagu dangada hua e dahi dela e aloho iei au, dela e madanga gadoo be di mwuroi. Mee tama ahina hua e dahi o dono dinana, tama ahina dela e mohoni ginai dono dinana. Nia ahina huogodoo e mmada gi mee, e hagaamu a mee. Nia lodo donu mo nia lodo hege o di king e dadaahili hagahagaamu a mee.
10 Tangada la koai deenei, dela e daba mai ono golomada gadoo be di heniheni? Mee e madanga ge maahina gadoo be di laa be di malama.
11 Au ne haneia gi lala i mehanga nia laagau ‘almond’ belee mmada nia laagau lligi ala e tomo i mehanga gonduu, gi gidee labelaa nia lau laagau hoou ala e matilitili mai i di gili nia laagau ‘grape’ mo nia akai laagau ‘pomegranate’ ala gu moholoholo.
12 Au gu bolebole mo di tenetene. Goe guu hai au gi hagamahidi ogu lodo ang gi di aloho, gadoo be tangada deledele waga dauwa hongo henua ma ga hagamahidi gi tauwa.
