5 Ighoe to kutu ghai ma na dika lio. mo neghai ge ai inuvia na kapu sule na kolobu ni mata.
6 Ighoe to taladira na lei kema talighutighai ge ra nighi veilalabui nimami pari, ma ra bosa dikalaghai ghamami na kana.
7 God, Puku ni maana, ko ghoi lavi olighai gatu itamua: Ko righi arovighai mai mughua ge kai vola.
8 Ighoe to hola horua mai i Egypt na vine, mo ghuru kehara na kema keha, mo suba kililia lokana dida pari.
9 Ighoe to mangatia na pari vanira, ge totolo me laga, ge saopoa na bona udolu.
10 Gaia te kuvihigho na lei ghotu, nia na ungaunga mana utona te saroi na lei ghai sule.
11 Na utona tara sasarau horu tana tahi, mana lalana te va sara tana beti tina/Euphrates.
12 E ghua ge au durakei na lei pilupilu te talighutia? Ma arahei tara tona haliu tara bihui na lei vavangana!
13 Na lei bolo asi ni leao tara turi horui na vavanga, mana lei manu ni oka tara ghani sokoi.
14 God, puku ni maana, ko ghoi ririu pulohi vanighai mai. Ko siro horu ghai mai kokou, Mai, mo ko vavolara nimua na vure.
15 Mai mo ko vola nimua na vine eni to subaa, na vaini vaolu to subaa te sule dato me laga.
16 Ghamami na kana tara kurisia mara kereu tana lake. Ko righira mai ta nimua na rutu mo ko matera.
17 Ko righitaonira nimura na vure to dolovira tua, Na kema to vilia heghemu.
18 Keri ge kai mua ghoi luba sanigho, ko pangotighai so tana vola ge kai holoa na ahamu.
19 Ko lavipangotighai ge Lord God Puku ni maana. Ko righighai nia mai nimua na vei arovi ge kai vola.
