6 Gaira tara ghanaghana kodo tadia na lologho au. Mara nighi mangamangagha didira na sosodo au.
7 Me taho siki sakai tadira ke huiolia heghena tana mate mana peluana nina peluoli God
8 Na huioli te mua malumu na maiana Me taho siki sakai ge ke pelu aua.
9 Me ke vagha ge ke vola kasila me ke mua righia na maramana ni mate.
10 Mara hei tara manaha kara mate, te vaghara na bule mana toba kupi. Ara luba sanighi didira na sosodo au i muri.
11 Na puku ni komudira na maramana ni mate, gaira kara kabu igaa ke va me va; Mara holo taonira nia na bona keri, mara sanighi didira na lologho vanira na keha.
12 Ma gaira kara mua kabu daro ta didira na lologho au; Gaira kara mate vaghara vamua na lei maumanu.
13 Aeni te vagha didira na hahi tara bule mara talu sulera heghedira.
14 Te vagha na sheep tara hulira va i betidalo, na mate te vatoghaa vanira vagha na righitaoni. rana uto kara umaghi pungisira te puipungi mana hulidira ke vuvuha tana gilu ni mate ke hauvia na komu tara haghara igaa.
15 Ma vaniu inau, God ke huiolia na volagu; Agaia ke lavi kehau ta nina maana na mate.
16 Ko bei mataghu, ge kara lologho au ara hei na bona mana valedira ke togotogogha.
17 Mi tana bona ni mateadira, Gaira kara mua ghoi lavia diki totobo kolura. Ma didira na lologho ke taonira va tana gilu ni mate.
18 Tana bona ni volana te togotogo ta nina ghanaghana heghena; Mana maramana te nia ghuu na togotogo ta didira na lutu uto.
19 Ma gaira kara mate te vaghara na balu. Ma kara mua ghoi righia ghua na marara.
