4 Ma nigua na lei hahi tara saro udolua na ulugu vagha na hohola te mava na holana.
5 Na palugu tara utu mara vei sikani: na pukuna na lei palugu.
6 Inau tu rongorongo mu neu ge u tinoni toposo: mu nia ole kolili na dikalio tana dani udolu.
7 Na levugu te paralamuta: Me taho na laga ni vola tana huligu.
8 Inau tu labe mu tapele kolili: mu gutuveve na pukuna na maghae tana lokagu.
9 Lord o ghilalai na hava tu lioni, ma nigua na dikalio te mua polo itamua.
10 Na tobagu te tuputupu mana lagagu te kubolu mana reireina na matagu te taghoi
11 Rana kulagu mana ghagua udu tara tabalili keha tana vahaghiagu, ma rana kulagu na vure tara tughuru sagauviu.
