2 Gaia te kolivaghinia na banatana na maramana tana tahi lalo, me kisua tana oka lalo,
3 Ahei ke tangomana ge ke sei dato ta nina ghotu Lord? Ahei ke tangomana na tughuru ta nina bona te tabu?
4 Gaira vamua te marabu na limadira mana tobadira. mara mua kikinima vania na titinoni mara mua gonia na baubahu sorisori.
5 A Lord ke vautora me ke vavolara; God ke tughunitatera gaira tara marabu.
6 Gaira vamua kara tangomana na va righiana Lord, ma kara holohabaa nina God Jacob.
7 Hangavighi na mataula ni peo ni dania! hangavighi na mataula ni dania mai tua, lubatia na vunaghi haba ni rongoragha ke haghe.
8 Ahei na vunaghi haba ni rongoragha. A Lord te laga me haba, A Lord te lagavule tana kisumate.
9 Hangavia na mataula ni peo ni dania! Hangavia na mataula ni dania mai tua, lubatia na vunaghi haba ke haghe.
