5 Haba vule dida na God, Me laga ngangata nina maana, Nina manaha te mua soko mua.
6 A Lord te righitaonira rahei tara kabu rurughu, hauva te soni horura rana dika.
7 Linge vania Lord nia na holouto, Tangi vania dida na God nia na ukalele.
8 Te talura na lei lovu tana parako, me ke vetena mai na uha vania na pari mamaha, me ke gonia na buburu te totolo tana lei ghotu.
9 Te nia vetena mai na vanga vania na lei maumanu, ma vania na lei maumanu pile tana bona tara tangi.
10 A Lord te mua ghanaghana mava na lagana na horse, pe liona na lagana na tuana na mane.
11 Gaia te togotogo nia na lei vure tara nia kikinima, gaira tara pitudila nina dolo te kasila haia.
12 Holoutoa Lord, Ighoe Jerusalem. Holoutoa God, na ghotu i Zion.
