1 Ivei vaho tua tea, na utona ra nia rivurivu, mana linge holoutoana dida na God.
2 Gaia Lord te tughuru vaghi olia Jerusalem, me lavi olina nina vure Israel tara ghogho kolili.
3 Gaia te togholuvui na lei toba paruruha, me mavoi na paedira.
4 Gaia te padai na lei veitughu, me vatu ahadira.
5 Haba vule dida na God, Me laga ngangata nina maana, Nina manaha te mua soko mua.
6 A Lord te righitaonira rahei tara kabu rurughu, hauva te soni horura rana dika.
7 Linge vania Lord nia na holouto, Tangi vania dida na God nia na ukalele.
8 Te talura na lei lovu tana parako, me ke vetena mai na uha vania na pari mamaha, me ke gonia na buburu te totolo tana lei ghotu.
