11 “Tasol ol manmeri bilong mi i no laik harim tok bilong mi. Tru tumas, ol Israel i no laik bihainim tok bilong mi.
12 Olsem na mi larim ol i bihainim pasin bikhet bilong ol, na ol i mekim ol samting long laik bilong ol.
13 Mi laikim tumas bai ol manmeri bilong mi ol i harim tok bilong mi. Na mi laik bai ol Israel i bihainim laik bilong mi oltaim.
14 Sapos ol i mekim olsem, orait kwiktaim bai mi daunim ol birua bilong ol. Bai mi pait long ol birua na winim ol tru.
15 Ol manmeri i no save laikim mi, bai ol i pret nogut na brukim skru long mi. Na oltaim bai mi mekim save long ol.
16 Tasol mi laik givim gutpela kaikai tru long yupela, na givim yupela hani bilong bus, na bai bel bilong yupela i pulap.”
