31 na God i kros long ol na i kilim i dai ol strongpela man, em ol gutpela yangpela man bilong Israel.
32 God i bin wokim ol mirakel, tasol ol manmeri i wok long mekim sin moa yet na ol i no bilip long em.
33 Orait wantu tasol em i pinisim ol, olsem win i kamap long maus i save go pinis kwik. Em i bagarapim ol kwiktaim tru na ol i dai.
34 Taim God i kilim sampela i dai, ol arapela i tanim bel na i kam bek long em na ol i prea strong long em.
35 Nau ol i tingim gen, God em i wasman bilong ol. God Antap Tru em i man bilong helpim ol.
36 Tasol ol i giaman na mauswara nating long em.
37 Ol i no bihainim tok bilong em, na ol i brukim kontrak ol i bin mekim wantaim em.
