9 Mi laikim tru haus bilong yu, olsem na mi wok strong long mekim dispela haus i stap gut. Ol man i tok nogut long yu, na dispela tok i kalap long mi.
10 Mi save tambu long kaikai na long dispela pasin mi daunim mi yet long ai bilong yu. Tasol ol manmeri i tok nogut long mi.
11 Mi pasim klos bilong sori, tasol ol man i tok nogut na tok bilas long mi.
12 Ol man i bung long rot na ol i toktok long mi. Na ol man i spak long wain samting ol i kirapim sampela song nogut long mi.
13 Tasol maski, mi bai beten long yu, Bikpela. God, long wanpela taim yu yet yu makim, yu ken bekim prea bilong mi. Yu bai mekim olsem, long wanem, yu save laikim mi tumas na yu promis pinis long kisim bek mi. Na yu no save giaman. Nogat tru.
14 Yu mas kisim bek mi long dispela tais bai mi no inap i go insait na lus long en. Yu lukautim mi bai ol birua i no inap bagarapim mi, na dispela wara i daun tumas em i no inap karamapim mi.
