25 Ol man i singim song ol i go pas, na ol man bilong mekim musik ol i kam bihain, na ol yangpela meri i save paitim ol liklik kundu, ol i wokabaut namel.
26 Ol i singim song olsem, “Yumi manmeri bilong God, yumi bung pinis, orait yumi mas litimapim nem bilong God. Yumi ol lain bilong Israel, yumi litimapim nem bilong Bikpela.”
27 Ol liklik lain bilong Benjamin ol i go pas. Na ol hetman bilong Juda wantaim ol manmeri bilong Juda ol i bihainim ol Benjamin. Na ol hetman bilong Sebulun na Naptali ol i kam bihain.
