4 Yu man bilong giaman. Yu save laikim tumas tok bilong bagarapim ol arapela man.
5 Tasol harim. God bai i bagarapim yu olgeta. Em bai i holimpas yu na rausim yu long haus bilong yu. Na bai em i pinisim yu olgeta na yu no ken i stap moa long graun.
6 Ol stretpela man bai i lukim dispela samting i kamap long yu na bai ol i pret. Bai ol i lap long yu na tok olsem,
7 “Lukim. Dispela man i no laik bai God i helpim em na strongim em. Em i bilip strong long planti mani samting bilong en, na em i ting pasin nogut bai i mekim em i stap gut.”
8 Tasol mi no olsem. Mi olsem diwai oliv i stap klostu long haus bilong God. Mi bilip long God i save marimari long mi oltaim oltaim.
9 God, yu bin helpim mi, olsem na oltaim bai mi tenkyu long yu. Na long ai bilong ol manmeri bilong yu bai mi litimapim nem bilong yu na tok, “God i mekim gutpela pasin long mi.”
