9 God, mipela i stap long haus bilong yu, na mipela i tingting long sori bilong yu.
10 Long olgeta hap graun ol manmeri i save litimapim nem bilong yu. Ol manmeri long olgeta hap i save amamas long biknem bilong yu. Yu save bosim olgeta manmeri long stretpela pasin tasol.
11 Olsem na olgeta manmeri i stap long maunten Saion, ol i ken amamas. Yu save skelim stret pasin bilong olgeta manmeri. Olsem na ol manmeri bilong ol taun bilong Juda, ol i ken amamas tru.
12 Yupela i mas wokabaut long maunten Saion, na raunim banis bilong taun na kaunim ol taua bilong en.
