1 Devit i raitim dispela song. Em i song bilong Jedutun, em man i bosim musik. Mi tok pinis olsem, mi bai was gut long olgeta pasin mi mekim. Nogut mi mekim sin long toktok bilong mi. Taim ol man nogut i stap klostu long mi, bai mi no ken mekim wanpela tok.
2 Orait mi bin pasim maus, na mi no mekim wanpela tok. Na mi no mekim wanpela tok long gutpela samting tu. Tasol bel hevi bilong mi i kamap bikpela moa.
3 Na bel bilong mi i wari tru. Mi wok long tingting yet, na bel bilong mi i pilim nogut olgeta. Orait nau mi no inap pasim maus. Nogat.
