3 Bikpela i toktok na ol i harim long olgeta hap bilong solwara. God i gat biknem na em i singaut strong olsem klaut i pairap. Tok bilong en i pairap antap long olgeta hap bilong biksolwara.
4 Singaut bilong Bikpela i gat bikpela strong. Olgeta man i harim God i singaut na ol i pret long em.
5 Singaut bilong Bikpela i save brukim ol diwai sida, em ol bikpela diwai sida bilong Lebanon.
6 Em i mekim ol maunten bilong Lebanon i kalap kalap olsem ol pikinini bulmakau, na maunten Hermon i kalap olsem yangpela bulmakau man.
