5 Mi no save laik tru long raun wantaim ol man nogut. Mi save abrusim ol.
6 Bikpela, mi wasim han bilong mi bilong soim yu mi no gat rong. Na mi wokabaut raunim alta bilong yu, na mi lotu long yu.
7 Mi mekim olsem, na mi singim wanpela song bilong tenkyu long yu, na mi tokim ol manmeri long ol gutpela wok yu bin mekim.
8 Bikpela, mi laikim tru haus bilong yu, em dispela ples biknem bilong yu i stap long en.
9 Taim yu mekim save long ol man bilong mekim sin, yu no ken pinisim laip bilong mi. Yu no ken kilim mi i dai wantaim ol man i save kilim ol arapela man.
