4 Mi no save mekim tok nogut olsem sampela man i mekim. Mi holim strong tok bilong yu, na mi givim baksait long pasin bilong kros pait.
5 Oltaim mi save wokabaut long rot bilong yu, na lek bilong mi i no abrus liklik.
6 God, yu save bekim prea bilong mi, olsem na mi save beten long yu. Yu ken putim yau na harim prea bilong mi.
7 God, helpim bilong mipela, soim bikpela marimari bilong yu long mipela. Mipela i stap klostu long yu na hait long ol birua.
8 Lukautim mi olsem yu save lukautim ai bilong yu yet. Haitim mi gut olsem kakaruk mama i save karamapim ol pikinini long wing bilong en.
