Bugagia Bidibo Kolesagade Po Asęai Buku 31:18-30 in Dadibi

¹⁸ Te aga lam sole habude te wel ąį pągąnaluyu, te ula edubao, tama aga sę ela pidubadi te be huli tomoba mu igi peyu, te aga dobu si ebo bisnis sę ebo te bugagia ebo subo sogo tiaibao.

¹⁹ Te tobage tiwai wego te aga digi te hobi dabe nigilama, tama te ugwa dabe hobolobo dao.

²⁰ Te agai suali, te bidi dabe te doado bage menia siyu ebo sogo, agai augwaliba te doado bage mabo dao. Awe, agai te nai sǫą pai bage tau sabo dao.

²¹ Te talua ge tulubage tulubadi digi, agai te aga wai puluba me bidide te homu si me isiąma te sę yaibao, magi baso meni, agai te augwaligo ugwa dabe te wiegi yai name ugwago nigibo dao.

²² Tama aga digi te aga bede selama piabo blanket dabe me nigaibao. Tama agai te wiegi yai tedela yai name ugwa, me te mama yai name ugwa wiegi yai me selama, tama aga gudubo ugwa dabe nigaibao.

²³ Te bulude bidalubo polalubo bidi dabego te genuai nogi agai bidiba mawai. Tama aga bidi te polalubo bidi dabe bidalubo digi te aga me te polalubo bidi bidibo dao.

²⁴ Hauwa sogo te wego te wiegi yai ugwa dabe me, te kukulu dabe me nigiyu ebo dao, tama te bisnis bidi dabe aselama, abelagasu ebo dao.

²⁵ Te aga sę eyu, mone sabo te genuai nogi te aga ugwago sę tiwai elaluyu, tama aga bomo elaluali. Agai te agaba nosali pedelabo sęde te homu si me isiąwaibao.

²⁶ Agai te we bidi ola mayu, agai po dua digi naga wabo dao. Tama agai tigidali po wabode te wiegi yai homu me kolesaga pedaluyu yai.

²⁷ Te aga bede doado bage dali, sę ebo dali si tonalubo sogo, aga hagela me egobeo. Menio. Agai sę bomo eyu, tama wiegi yai sę ebo dao.

²⁸ Te wego wai dabego te we bidi dabego gesabidide augwa idago ebo kolesagade dwagi yai po wabo dao. Tama aga bidigo me aga nogi ugwaba mu siyu, tama po wali,

²⁹ “Te da bidibo bulude te wiegi yai kolesaga mu ebo we elalubadi, tiali goli nago augwali aiyaba elaluama, te nage uganu mu ela holalio.” Aga bidigo te po wai.

³⁰ Te we me deligo dabolo te pusu yai po waibao, tiali goli agai kolesaga te gasagi yai tedali elaluai. Te gasa sawi yai we mu subo, aga sesemane sogo te tiwai me bidigobeo. Tiali goli, Genuai Bidide wi eyu, aga dologode bidibo wego nogi te dago ugaba sabo usu yaibao.