17 Te magi nai doado bage meni yai bidiba nago te olo tau sabo wiegi yai kolesaga eyu, tama te doado bage mobaso da, te Genuai Bidigo negeli nageba ilibo tiwai ebao, tama nosali Genuai Bidigo nageba wei ponaibao.
18 Te naga ogwago hagoma ebaso da, nago aga dodolao, tama agai wiegi yai kolesaga wali paibao. Tiali goli, te nago agai te dwai kolesaga wali pomainu sula tagalu gogolobaso da, te nago aga isimainu usu da wabo tiwai ebao.
19 Te wado po polo weyu ebo bidi da, teda aga dwai sę yali sęgę te aga tolomainao. Te nago aga tau selama, tama te sęgę silibo si da, teda nosali te nago aga ma tau somainu homu yaibao.
