35 Mame Firipe tõturuse imaro Ritonõpo omiry poko, inysekeremahpyry poko. Kure turuse eya Jezu poko.
36 Morarame toytorykohtao tuna pona toeporehkase toto. —Tunahxo mony. Jẽpurihkary se pyra hma? tykase mokyro Etiopiapõ Firipe a.
37 —Arypyra, Jezu enetuputyryhtao oya oesẽme oẽpurihkãko ase, tykase Firipe eya. —Ỹ, Jezu Kyrixtu enetupuhnõko ase, Ritonõpo mũkuru nymyry mokyro, jesemy, tykase ynororo Firipe a.
38 Mame kahosa totypohkapose eya. Toytose toto nakuaka, Firipe maro. Mokyro Etiopiapõ tõpurihkase eya Jezu omi poe.
