10 Waeuwa Apanawa aia dainea dodomana mampelepio girumamopia ita rua dima girumamona ipa ulaipa.
11 Insadewasala apanawa waeuwa ipa gamo onioniala koinawa moamoaua wadedie sipsipwa bodamodio adewantoia rua. Me aiawa ipa tutu moamoaua ia bedewe epeio aidaleidia rua. Aia sa ipa God me mida no uduudu onianedia mampee wisen.
12 Ne otona, ewadewaitaa. Waeuwa ema wadaadoe wanempa. Buka girumawa dewawa ando mai dialepi ita kainokaino insaisawaitone girumawaitone etea dabualepi.