23 Paulo ani, mada mene ḡehaḡa Antioka neḡano radiroteꞌe enogano, eꞌeanoꞌo iḡunadu, Galatia zu Ferigia habaꞌano neḡa ꞌahoga ꞌahoga onamiro. Ebu Zuhiꞌa Boro tahiꞌa tahiꞌa niduꞌa inaraziro.
24 U Iuda vazeḡa ꞌahoga, niḡa Apolo, ani Efeso neḡa onairo. Aniꞌe Alesandria neḡa vazeḡa. Ani faifairu ḡoereꞌeteꞌe vazeḡa zu buka zaḡoḡa zuni faine ederoga.
25 Zu Zuhiꞌa Boro ibi fairu ederiroteꞌe vazeḡa, ebu zama niduꞌa hanadu inare ḡoerido zu Iesu hariḡa hugano daꞌo ihozido. Rehano Ioaneꞌa bapatizoziroteꞌe daꞌo edeḡa.
26 Apolo ani Iuda azaḡa kuru neḡano mene rihauꞌenaꞌa ḡoeriro. Rehano Priskila zu Akulaꞌa ḡoeꞌa igirotene, neze tutune onamadu, Badiꞌa ibi huga faifairu ihoniro.
27 Ebu Apoloꞌa Akaia habaꞌa onamihi reirotene, Zuhiꞌa Boro mone azaḡaniꞌa inara ḡoeꞌa haro. Ebu Akaia habaꞌano Zuhiꞌa Boro tahiꞌa tahiꞌa veize soꞌa mirihe tuḡuriro, zeḡe aniꞌa onamiteꞌea mae ḡihinoga. Apoloꞌa eꞌea feurirotene, Badiꞌaꞌa ḡahunone manoḡa zenadu, Zuhiꞌa Boro mazao fiidoteꞌe azaḡa borofe ihoze danazinu.
28 Mazaḡa aniꞌa buka zaḡoḡanonoꞌo “Iesuꞌe Keriso” rae ihozeꞌenaꞌa, Iuda azaḡa teite hunio ḡihau ḡoꞌanadu buziro.
