Apostolo 12:3-7

³Na tahuna i matai e huriki a Iuda ri vivi vona a naro i ratea, i lakavua e Petrus. I ratea a naro iea na Habu na Bret i Uka Is.

⁴I ru dilia na bavi, i ru ia na limana nugumaheto ala ravulu a polona i polotara, ri gi tagaria. E Herod i ngaru ni dava ge lobo taro a habu na Nipagepolo, muri ge vakapesia na matane huriki, ni gi pelekado.

⁵E Petrus i made na bavi, pali e huriki a tara ne Kristo ri vasileki na Vure na parava lobo, ge koria.

⁶Na rodo muga na parava e Herod ta ge bole talea e Petrus ni gi pelekado, e Petrus i mahita na koropalana a nugumaheto ala rua. Ri kolotatea na sen i rua. E huriki a nugumaheto ranga ri tagari na logo na bavi.

⁷A agelo ne Bakovi Dagi i bele vakaturutu tabukoi ne Petrus, a nipara dagi i parai a bavi. A agelo i ubia na kamagane Petrus, i vangoa, i ta maea, “O pesi rike malaviriri.” Lakea a sen i maparu tala na limane Petrus.