16 Muri a longovisia a ngavane Bakovi Dagi i takia, ‘E Ioanes i vahilolo e huriki na naru, pali iau bara vahilolo mua na Hanu Kiripiripi.’
17 Hosi si luhoi torea e Isu Kristo a Bakovi Dagi, lakea a Vure i habi a Hanu Kiripiripi ne hita. Pali ria ngane ri luhoi torea e Isu, a Vure i habia a Hanu Kiripiripi ne ria. Pali iau e rei iau, ga hatekakaria a Vure nahea ge habi a Hanu Kiripiripi ne ria?”
18 Na tahuna ri longoa a nitana, ri uka ngava, lakea ri kavurikea a Vure, ri ta maea, “Ngane si lohoka vona e huriki a bakovi i uka ma ria a Iuda, ria ranga a Vure i ngaru ria ri gi pulo a vilone ria, ri gi bole a nimahuri vakaroro.”
