32 Ngadani julja wolarali botaia jinka wirri wokaribana wonti, nau purina ngarinanto.
33 Nguramarananilu Paululu pratjana kurukurubana wonti tanali buka tajinanto, ja nau jatana wonti: “Karari ditji marapratjana ja mandru mandrula nganai, jura matja kalkai ja milja ngamai, ja panila tajina warai.
34 Jendrangundruja ngato jurana kurukurubai buka manila, ngangau jenia jurani kulkani nganai; ngangau wata kulnujeli jurangundru para kulno mango tandrandru tintala nganai.”
35 Nau jenia matja jatana, nulu buka patana wonti, ja Goda jurakokana wonti tanangu mudla pratjanani, ja nuiu nina wokaribana wonti ja wonina wonti tajila.
36 Tana pratjana burka ngururina wonti ja bakana buka tajina wonti.