19 na Iudea tataodi se riba gewa nuagu mo se hepaipai arinai Kaisara esana ea atai; ia mo egu basileia eau nige bena ea hegiru.
20 Arinai ede ea eogaimiu ta bena ea itamiu, eo ta ribariba: Isaraela edi aba sunuma debana eai maina poasi eai se auauigu ta.”
21 Isi ia se heriba si ene, “Uriuri Iudea eai se laoma nige wasam baaeana esau ai ataiei, ehamaiyao headi hinage se laoma arimai eai nige wasa aisana se ribaei bena arinai se hegirum.
22 Em nuatu bena ai ataiei: ina peledi ta, wasadi ai ita dimo gamagamagari tatao si ene isi se baaea.”
23 Asubena esau se ribanonohaiyao, gamagaridi abo se laulau ena numa eai se bawa, Eaubada ena basileia ribana i riba hasahasaidi, Iesu ribana hinage i henuapaipaidi, Mose laugagaeo bukana alona eai, eo peroveta bukana hinage, maratomtom eai i ribahetubu, i lau e, i maimailahi.
24 Isi headi riba wa ie ribaei se ataiei, na headi hinage nige se atai‐lobai.
25 Isi nige nuadi esega na se laugorigori, Paulo riba esega i heriba‐bagunaedi, i ene, “Earua Tabuna ie riba mamohoi Isaia peroveta awana eai, tamadayao aridi eai, i ene:
26 ‘U lau tatao ta; aridi eai, u ene, Abo au ataiei, mamohoi, na taba nige au atailobai, abo au ita, na taba nige au italobai.
27 Teina tatao ta nuadi se digabu, ataatai eai beadi se doodoo, isi matadi hinage se hegibudi; ata matadi eai se italobai, eo beadi eai se atailobai, eo se sinibuima arigu eai bena ea hemauridi.’
28 Omi arinai abo au ita, Eaubada ena mauri ta se hetamariyao Murimuri‐tataodi aridi eai; isi abo se ataiei.”
29 Wau riba wa i ribaedio, Iudea tataodi se pesagabaei, mahaihaiawayagaradi se laulau.
30 Na borimai labui maudoudoidi Paulo nei eai, ena numa iabom i hemaisa arinai ie mia; isi gamagaridi se laolaoma ia arinai, i abiabitaumanaidi,
