28 Demetriozi dâŋ iŋuc jazame manarâ maŋjeŋic aaric fusucmame owackehuc ʒiŋuc mumbiŋ: “Efeso haeonec Atemis e fekicne sâko!”
29 Dâŋ oowac sâko epie haeŋic mâmâc sasawa maŋjeŋic iŋneme kike saoŋ qajareme fisi qâture‐fârerâ tutumaŋ toma‐jeŋicko rafârembiŋ, ehuc Makedonia ŋic jajahec Paulo bâjâpepic, ʒâŋe‐jekic Gaio â Aristako, jahe rocjofarâ fârec‐jofa rambiŋ.
30 Eme Paulozi manarâ ŋic tutumaŋko razo mume opâ ruac jaŋe sakarembiŋ.
31 Erâ wâc ŋic fekicne gâcne Paulore âgofâc jumbiŋ jaŋe ŋic tutumaŋko mi raocte mumuac dâŋ erao râepie rawec.
