3 Eme jahe sifu mosa dameŋ gâcne hae ira juhuctecne Wofuŋtao roweckerâ miti‐ticne hâwicmâc muhuc jupic. Ehapire Wofuŋzi akicdâŋ‐ticnere fuŋne bataniŋkehuc neŋgoc ŋesiŋ ŋejactehame mâsi fuŋne fuŋne bapic.
4 Eme hae irec ŋic jaŋe fâuckehuc tucne Judaŋic jaŋerao qohotambiŋ â tucne jaŋe aposolo jaherao qohotambiŋ.
5 Izi ʒâhecko ŋic qâpuc â Judaŋic gâcne jaŋe aposolo qânâzi he imac ejacteniŋte roroc epie
6 manarâ wiserâ Likaonia mâreŋko rapic. Erâ ira Listera â Derebe â hae gâcnao
7 Biŋebiaŋ murahuc jupic.
8 Eme Listera haeo ira ŋic moc ŋewec, e kike jahec‐ticne ɋaŋakicne. E neŋgoc bumaŋko iŋucne fuarâ hata juju tâmiric mâc ŋejujec.
