38 “Qomâfâc‐nane, ŋazape mananiŋ. Sâqocne bâbâtâmire i ŋic eki hâcne bâfuawecte irec dâŋzi maic‐ŋopakac.
39 Mosere sâcmutâc dâŋzi kiŋŋeŋic guriŋkeocte eipiewec, Jesurao siŋkepie ine sâcne bârârie‐ŋareocmu.
40 Porofete jaŋerao dâŋ ʒiŋuc fokac i ŋoŋerao sanaŋkezacte uŋ ŋazakopac:
41 ‘Oi, miti qiqikiŋ, ŋoŋe wareckerâ omaenʒepieŋ; no ŋoŋerao gie fuŋmoc bapemu; biŋene manarâ manapie mi bapane eocmu.’”
42 Eme Paulo â Banaba jahe mitifickonec wahapire ŋic jaŋe sabata hombaŋ mocko dâŋ irecteaŋ jazanicte mumbiŋ.
