1 Antiokia kikefuŋ maŋnao porofete â qaqazu ʒiŋuc jumbiŋ: Banaba, â Simoŋ, ʒâŋe‐ticne moc Nige, â Lukio Kirene haeonec, â Manaeŋ, e ŋicwofuŋ Herode ehec mâmâc qâqârândiŋ juhuc sokapic, erâ Saulo.
2 Eme ʒoaŋ mocko sowa juhuc gae mitire tumaŋnehapie Tiri Mârozi dâŋ ʒiŋuc muwec: “Banaba â Saulo gie mujactepo i banicte baʒawiec‐jofaniŋ.”
3 Mume sowa jurâ mejeŋic qizec‐jekicko râehuc numu jambuŋ ejacterâ miti kiŋaŋ râec‐jofapie rapic.
4 Tiri Mârozi iŋuc ehuc sorec‐jofame jahe raku Seleukia haeo fisipic. Ira fisirâ wokeo ferâ raku Kipiro nucko fisirâ
5 irec hae qizec Salami ira rarâ Judaŋic jaŋere mitificko ferâ Anuture dâŋ jazapic. Erâ Johane e jahehec mâmâc juhuc bafic‐jofawec.
6 Eme nuc fotâcne‐fârerâ Pafo haeo fisimbiŋ. Ira fisirâ Judaŋic moc qaŋgec bapa â porofete burecne juwec, ʒâŋene Barajesu, e bâfuambiŋ.
