41 Erâ ŋic kosa jaŋerao mâcne, ŋic biŋe mumufâc‐ticne, Anutuzi mârâc rowosâec‐nâpowec, nâŋerao sawa fuawec. Nâŋe hâcne hâmockonec fahareme ehec nâ gugumec â mumac qamanac embeŋ.
42 Erâ Anutuzi e ŋic ɋâricne â hâmokicne mumutara‐nâŋec âkendâŋnewec, irec biŋedâŋ ŋic guru sâc mutaniŋkerâ jazanaŋte munârewec.
43 Eme e manasiŋkeniŋmu jaŋe ʒâŋe biŋe‐ticnere erâ sâqocne tâmire‐jareocmu, i porofete jaŋe mufua‐fârembiŋ.”
44 Petoro e dâŋ iŋuc muhuc domahame, manahuc ŋembiŋ jaŋerao Tiri Mâro wahawec.
