15 Dokopa losuu anda isingi akali dupame potopesa dupanya pii mendapuapi mana setapae dupapi itaki pyao etapala dutupa kandao, “Kaimia paluma, nyakamame pii mende endakalipi dupa pupu lasoo lamaipenge jetamo kandao doko, lamaiyepa,” leami-pyaa.
16 Dopa leaminopa Polome toya katapala kingi pee latala pii dake lamaiya-pyaa. “Nyakama Isataele endakalipi Gote lao paka kayao katenge tata waka dupapi nyakamame salapape.
17 Isataele tata dakenya Gote dokome naimanya yumbange dupa yapao nyia-pyaa. Dokaitame Isipe yuu dokonya tisa nao kateaminopa baame dupa pee lasetala nyakamanya kenge minalyia-pyaa. Dopa petala baanya pupu lapae dokome dupa lanyepala laminao epea-pyaa.