29 “Yaŋgöra keu pakpak ohoget ahözawi, yeŋön mönö miaŋgö dop aketka ölŋi ahum teköiga Jisös ipnöhök meköba eta qaksirinöŋ anda köt köteŋ uruŋe alget.
30 Algetmö, Anutunöŋ i kömupnöhök mem gulii wahörök.
31 Wahöri yambuk Galili prowinsnöhök Jerusalem sitinöŋ kageri, yeŋgöra mönö silim gwötpuk miaŋgöreŋ asuhum eŋgiyök. Alaurupŋi asuhum eŋgiyöhi, yeŋön nalö kewöŋe ambazip sutŋine dangunu ewö kinda könaŋi naŋgöba jim asariba malje.
