29 Ngan au i lok galanga nen, ye kene yo be ayegang ye in nga, ngan ole di gaunu gok dook tiap la be timan a man tiyepe kataunu yang, a nen ngan man tigarung di sipsip tina nga.
30 Inbe ang tapmim lapau, di tooltool kiang kapala ole timadit a tikap lungunu yang, inbe tipalele betanga yo moolmool i, a be nen ngan di tooltool yo ke Maro nga, ngan titara lodi medana ye betanga kidi a la titoo di ben di galiudi.
31 Le kin kakawai yang dook leu! Inbe lomim tut ye rai kerana tol yo ayang tayepe ye nga, ngan ye ke le bong tina yo kanakana nga, ngan au i matak surun du yang, ngan nen le amaryoo ye kaungu noonoongoo pang ang atu atu, ngan tiap.
