1 Mago'a vahe'mo'za Judia kazigati e'za Antioku ehanati'za amanage hu'za amage' nentaza nagara rempi huzami'naze, Mosese hu'nea kere amage' antetma tamavufa taga hiho, anama osanutma tamahoke heno tamaza osugahie.
2 Poli'ene Banabasi kema ke hakare ana vahe'enema hugantigama hutageno, mono vahe zgamo'za Poline Banabasine amu'no zamifinti mago'a vahe'mo'zane kehakare hu'nazaza eri fatgo hunaku mago'a, aposol naga'ene mono kva vahe'ene (eldas) mago zamarimpa osu'naza keaga huza eri fatgo hunaku Jerusale vu'naze.
3 Ana hige'za mono nagamo'za, huzamantege'za, Fonesiane Sameria ufare'za agatere'za maka megi'a vahe'tamimo'za zamagu'a rukarehe hu'naza kea mono vahe'zga zamasmige'za tusi'za hu'za muse hu'naze.
4 Zamagrama Jerusale uhanatizage'za, mono vahe'mo'zane, mago'a aposol naga'ene mono kva vahe'mo'za (eldas) muse hu'za zamarage'za, maka'zama Anumzamo zamagrite'ma hu'neazana huama hu'za zamasmi'naze.
5 Hu'neanagi mago'a Farisi mono vahepinti, zamagua rukarehe hu'za Kraisinte zamentinti hu'namo'za, oti'za anage hu'naze, megi'a vahe'mo'za zamufama taga hute'za Mosesi kasegema amage antesazana knare hugahie.
6 Aposol naga'ene mono kva (eldas) vahe'mo'za atru hu'za ana naneke erifatgo hu'naze.
7 Eri atru hu'za zazate kea refako hu'za antahizageno, Pita otino ana nanekemofo nona'a amanage huno zamasmi'ne, nenfutma, tamagra antahi'naze mago'a kna evigeno, Anumzamo'a nagri huhamprinanteno, megi'a vahepi mono kea huo huno hunantege'na, hugeno knare musen ke antahi'za zamentinti hu'naze.
8 Higeno Anumzamo vahe'mofo agu'a keno antahino hu'nemo'a, zamagritera eriama huno Ruotge Avamura zami'ne, na'ankure tagri'ma hu'neazana huno zami'ne.
9 Hankino tagrira Anumzamo'a ruzana huranteno, zamagrira ruzana huozmante'ne, zamentinti nehazageno zamagu'a zamazeri agru hu'ne.
10 Hagi menina nahigetma Anumzamofona rimpa he'zana nehutma, bulumaka'amofo zamanankempi anaki nezmantaza kna knanentake agare namare zafa (Yoke) Jisasi amage nentaza disaipol nagapina nentaze. Tagri nerageho'ene, tagranena eriga osu'nonankna knazana zaminaku nehazo?
11 Hu'neanagi tagrama tamentintima nehunana, Ramofo Jisasi asunku'zamo kefo zantifinti tahoke heno zamagri hu'nea kante anteno taza hu'ne.
12 Atru hu'naza maka vahetamimo'za, ke osu mani'nage'za Polike Banabasikea kaguva'zane avame'zanema zanagripinti Anumzamo'ma megi'a vahe'ma huzmante'nea zana zamasmi'na'e.
13 Ana nanekema huvgamaretageno, Jemisi'a anage huno kenona hu'ne, nafuhetma ke'ni'a antahiho,
14 Saimoni anage huno huama hu'ne, Anumzamo'a megi'a vahera zamare'na Nagra'ni'a vahere hu'na huhampri zamantegahue hu'ne.
15 Kasnampa vahe'mo'za krente'naza kemo'a, ama kenena mago kna hu'ne,
16 Anama hutesu'na, ete Nagra e'na Deviti noma karite'neana etena eme kigahue. Nagra'ni'a havizama hu'nea nona eriso'e hugahue.
17 Ana nehanena miko vahe'mo'za, Ra'monagu nehakesagena, zamagima hesuana, mika megi'a vahera Nagri vahere hu'na zamagrikura hugahue, huno mika'zama troma hu'nea Ramo'a hu'ne, (Emo 9:11-12)
18 Korapama evu'nea knafina amazana antahino keno hu'neane.
19 E'ina hu'negu, huvgare nanekea nagra (Jemisi'na) amanage nehue, tagra mago'anena knazana ozamisune, na'ankure megi'a vahe'mo'za amu'no zamifinti rukarehe hu'za Anumzamofonte e'naze.
20 Hu'neanagi avo kreta amanage huta zamazeri haviza huzampintira manigneta maniho huta zamasmi snune. Havi anumzamofo ami'nesia zane, monko avu'avazane, anankema tga osu zgagfane, korama me'ne'nia ame'a oneho huta zamasmisune.
21 Na'ankure tagra antahinone, ofenka'a knareti eno menima e'neana, Mosese kasege'a huama hakare kumatera nehu'za, maka mni fruhu knarera (Sabat) osi mono (sinagog) nompi umareri'za hampri'za nezamasmize.
22 Anante aposol naga'ene, mono kva vahe'mo'zane, maka mono kevumo'za amuno zamifinti huhampri zamanteneana, Judasinku Basabasi nehaza ne'ene Sailasi'a ana naga'amofo kva ne' zamine huhampri zananteke, Poline Banabasi kizni Antioku vihogu huzmante'ne.
23 Ama'na avon karentage'za eri'za vu'naze, aposol nagategati'ene mono kva vahe'motane, tamagri tamafuheta megi'a tafuhetane nerasarogta Antiokune Siriane, Silisiama mani'namotarega musen ke huramantone.
24 Kema antahunkeno'a, mago'a vahe'mo'za tagripinti vu'za, huozmantenona ke ome tmasmi'za kemo'a, kna neramino antahintahitami tmazeri savari hu'naze.
25 Tagra mago tarimpa huta tagri aroneti Banabasine Poline magoka ama vahera huhampri zamanteta huzamantesunke'za vanaze.
26 Zanagra zanavufa tagri Ramofo Jisasi Kraisi agi'are atre'za neha'a netre'ne.
