46 David ese Dirava ena hahenamo e abia, bona e noinoi, Iakob ena Dirava ena dubu baine karaia eto.
47 To ena dubu ihaginina be Solomon.
48 Ḡau tamona, Herea Mikamika na taunimanima imadia ese e karava rumadia ai se nohomu; peroveta tauna ena hereva heḡereḡerena eto,
49 Lohiabada na e tomu, Guba be egu helai gabuna, Tanobada be aegu ihadaidia ḡauna, Ruma edehetomana ba karaia lauegu? Egu laḡa-ani gabuna be edena?
50 Ini ḡau iboudiai na imagu amo asina kara a?
51 Aio auka taumui e, lalomui bona taiamui e kara asie peritomedia taudia na heheto, umui ese nega idoinai Lauma Helaḡa o laoa ahumu. Tamamui edia kara na umui ese danu doini o badinamu.
52 Peroveta tauna be daika umui senemui ese asie daḡedaḡe henia? Kara Maoromaoro Tauna maina e gwauraia gunava taudia na idia ese e aladia mase; harihari umui ese ia taona vada o torea, bona vada o alaia mase.
53 Umui na aneru ese e heni taravatuna vada o abia, to asio badinaia.
54 Idia ese unu hereva e kamonai ai, e badu dikadika, gadigadidia danu e haheḡiri henia.
