32 Teik kakai Haeu tel seilon riridai, i ukek, “I masin tok sipsip laha hakahita hani teka teleian. I masin tok nati sipsip i to hamalum na laha koti ole tinun. I kum kak na tenen.
33 Woulaha teheni hawane i. Kumahe wanen salan saun ti laha aile hani i. Tap tel pon kaxiai teka laha nakuama tetan nake laha telei i.”
34 Tel seilon kamei Pilip, “Tel kuluiai kakai Haeu kakak aita leili teik kakai Haeu nga riridai? I kakak puki i a tel seilon liai?”
