15 Mo epe dewantoie waimoio walama dea bedewe sumanai apanawa 120 rua auweiena ita Pita mo bedeuwo gagalo baiwa enenwisene
16 wane wanase, “Sosona, dima uduudu mapo buka bedewe Iudas, mida Iesu onawa apanawa me wadapua baiwa banlamona, umanawa girumalena God insaisawa rua ipawanalen. Dima Aleu kakaiwa warere Dawid moawe Iudas umanawa gagalolena ruaida segalentuwan.
17 Iudas ipa no nola somba dea, no do wanwanlala.
18 Me dewa kadiwaida dewasane Iesu onawa apanawa mamposan. Ita me dewa sa dewasane unewa mane wadena mampe dogo moawa gimaralen. Tane dogo sa osowe me uwaweuwawe omene bupa tuwano me sinaemba nosenauben.
19 Ierusalem apanawa uduudu dewa ema umanawa etane ita dogo moawa sa mo muba aiau mampe ebowa itune waienase, ‘Akeldama,’ aia ema ipawaida ipa osina dogowa.”
20 Ita Pita gagaloleidie wane wanase, “Sam bukawa bedewe Iudas umanawa girumalene wadiase, ‘Me duwa aupawa di enompa, mai mida da bedewe wampi, dia.’ Tane do girumalena wadiase, ‘Me nolawa ena aupawa apana da wadepie oniepi.’
21 Ema girumalena rua Iudas aupawa apana da wadepie no aposel bedembolepie Tatamba Iesu enawisawa benemawa apanawa wanalepi. Ne menanedia no bedembo somba dea, mida Iesu no do wainitana walamawe awodea leite Iesu dima dewasano ewentue atenlena, sonabeto Iudas aupawa wadepi. No somba dea mida Ion apana babatutumodiawo ita Iesu no enene wadenposie odene uboo alena walamawe no do wankasantena apanawa sonabeta.”
23 Pita epe wana baiwa sumanailala sosou nata, Iosep ita Mataias, enitumoiena. Iosep sa ebowa da waia Basabas ita Iastas.
24 Mo God sonabawa atentopua baiwa rauparintone waienase, “Tatamba, e apana uduudu nuau eweiana atena. No euwanea apana ema nata bedeuwo dainea e sonabeiana
