10 Tasah, jo kameh udu hawem, ya ari ndramak winiyan batawi ou ma winiyan bamekes isi bawek badam bwe. Tasah, iri lau tek solo-an labai are bolo kon tinan dah.”
11 Ya eme Pol udu hawe iri andrei jaha ari ranah, leheya iri na sahou ta Kindrei.
12 Na len iri lau atondrok Rom atehei Galiyo asahan kabin ta kon tinan Akaya, eme iri Juwis atukum ase tawi Pol ma aruwi iy ili ales ere mada sahou.
13 Eme iri anya, “Iy ndramak dah badeh, ndraluwi budon tiri lau ta atudun Kindrei i san ta kandriyen randrah labai ja, ya idoh bamwenen ta kandriyen malen bwe.”