Aposel 15:23-28 in Amanab

²³ Ena elbi pas wahe ningihini. Ena ginof enaig esog: O nilite, Kangel kanog fwatieg el i afa saglag el i enag ginofba afwambanai Kristenim fatigonug, nengel Antiok, Siria, afa Silisia lanai ambangel sa eyi go.

²⁴ Kangel enaig higig minginag kangel nai el ambe nem apukegonugum kilimoan mo faigog. Ka mas ehem enaig sihifegonug mo.

²⁵ Asa ka mungwa mo sihiagigim afa sa minginag elim fwatigbi sa kangelni suialag nilite Pol mi Barnabas mi nengelim ningihia gonug.

²⁶ Enag eheningiba ilawana maia Sisas Krais Ainiyagna gafugag hofefnaba minginag el ogna patigi skotigi.

²⁷ Naigsegba na sa ka Judas mi Sailas mi ningitigibi sa ma ahblonam ena mo mengig na ahsihi enag ginofba mungwalofug.

²⁸ Godna Sungwabug i kangel i mungwalofug onigig fig mas ka nem kinig skogoniafufi. Afa ka sawiyifig sa ne hwa nihe mom patalfu.

²³ Ena elbi pas wahe ningihini. Ena ginof enaig esog: O nilite, Kangel kanog hwatieg el i afa amunai el i enag ginofba afwambanai Kristenim fatigonug, nengel Antiok, Siria, afa Silisia wanai amangel so eyi go.

²⁴ Kangel enaig higig minginag kangel nai el ambugog nem opukegonugum kilimoan mo faigog. Ka mas ehem enaig sihifegonug mo.

²⁵ Eso ka mungo mo sihiagigim afa so minginag elim hwatigbi so kangelni lahlag nilite Pol mi Barnabas mi nengelim ningihia gonug.

²⁶ Enag eheningiba yuwana mahim Sisas Krais Ainiyagna gafugag hofefnaba minginag el ogna patigi skotigi.

²⁷ Enaig esegba na so ka Judas mi Sailas mi ningitigibi so ma ahbonam ena mo mengig na ahsihi enag ginofba mungwalofug.

²⁸ Godna Sungwag i kangel i mungwalofug onigig fig mas ka nem kinig skogonahufi. Afa ka sawiyifig so na ohuna nihe mom pahluku.