Aposel 13:47-52 in Yessan-Mayo

⁴⁷ Keryen Yen re nesne gwor tuma weiwen op wem. An nene webo, ne Juda bo tatame remne tuwkap kerete. Ne nugwape nowselri tatame remne kwobo lan op wesowte. An remne potte.

⁴⁸ Juda bo tatame rem op metem, rem okbop ten Keryen Yen reri tuma rem boteyatem. God re kenem tatame, rem yuri heyar somsom temente, er tatame rem Jisas rene omuteke habom.

⁴⁹ Sene Keryen Yen God Reri Tuma er yokwok tetane tatame nugwape rem metbem.

⁵⁰ Op ten Juda tame rem wuribai yaper ten er kwomri keryen tamekene God rene lom yokwobo kel wurkene ta remne wesarpom, rem Polkene Barnabaskene repne yaper nenete tobotam, rem er nowsel repne wekrokem.

⁵¹ Rep tewo sibuw nubtikwunen op wem. God re kemri yaper nen wos laye. Op wen rep Antiok kwom mesegenen Aikoniam kwomke yim.

⁵² God Reri Wow re Antiokri Jisas rene habobo tatame etemkene temenen rem okbop tebem.

⁴⁷ Keryen ere nesne etep wom. An nene yaku newom, ne Juda berai tatame etemne tobkube tukap tete. Ne nogwape komri tatame emne kobo late, God ere emne sene pette. Etep wom.

⁴⁸ Akeite tatame eme etep metem, eme metekwasem, Keryen eri tuma eme me metekwasem. Kiyi God ere tatame emne kenen etep wom. Eme som temente. Etep wom. Ete tatame eme Jisas erne kenawaike abom.

⁴⁹ Keryen eri tuma komri komri tatame eme metem.

⁵⁰ Metem, Juda tame eme e komri apeilakeken God erne kenawaike abobetem kelken taken emne ya keren eme Polken Barnabasken emne yaper nenem, epne won yim, epe ete sel mesginin yim.

⁵¹ Mesginin epe tewo subu nubutkwunen etep wom. God ere kemri wule yaper laye. Etep won epe etep ten epe Aikoniam komke yim.

⁵² Ete komri Kristen eme metekwasem, God Eri Wou ere etemken temenem.