32 Emiwa sena amoke Aisaia pukawemi momateya akeya amowa wekeye. “Eyawa sowa eta: seyamakeye. Ewa a:pele sipi sama:na:pela: siliye hanosene epapulakeye. Apula: Ewa sipi e sa:le fano nama:na:pela: siliye hanosene epapulakeye. Alanase, E meatawa eta: sakolamakeye.
33 Iyawa Ema ewala tiye kinise kolemi sine apolaposakeye. Apula: Emawa hekeya eta: kotolamakeye. Apula: amo fo:suwemi Ewa sana kulukeye. Kulunase Ewa peleya: sosolo weyemiwa ma elaposakeye. Alanase, Ewemi ma:ta: ti sala imawa sena kesale eta:wi ima selaposape?”
34 Aputa: Itiopia sena amoke solo momateya amo potapola:, Filipima ta:potose, “Keyawa nema sema, sepatosene sena amokiwa ikamo seyala? Eyawa ene ewamo selesekiwalo apula: sena nowamo seyalole?”
