23 Iena haere maorona ese tau ta do ia hamoalea, bona ena nega korikori dekenai, hereva namona ta ia gwauraia, be namo bada!
24 Aonega tauna ese mauri dekenai ia lao dalana, ia raka daekau noho. Ia be mase dekenai ia lao dalana, ia raka diho noho lasi.
25 Lohiabada ese hekokoroku tauna ena ruma ia veria diho noho, to vabu ena tano do ia naria namo herea.
26 Lohiabada ese kara dika taudia edia laloa gaudia, be ia badu henia noho, to laloa maoromaoro taudia edia hereva, be Lohiabada ese ia moalelaia noho.
27 Bema koikoi dekena amo moni oi abia neganai, oiemu famili taudia dekenai hekwakwanai do oi havaraia. Kara dika karaia totona moni do oi abia lasi, unai neganai do oi mauri daudau.
28 Kara maoromaoro taudia ese, haere idia henia neganai idia laloa namonamo guna. Kara dika taudia ese idia haere henia haraga, to kerere idia havaraia noho.
29 Lohiabada ese kara namo taudia edia guriguri be ia kamonai henia noho, to kara dika taudia edia noinoi, be ia kamonai henia lasi.
30 Iena vairana be mai kiri tauna ese, oi ia hamoalea noho, bona sivarai namodia ese, oiemu lalona ena mamina do ia hanamoa.
31 Bema sisiba hereva namona do oi kamonai henia neganai, oi be aonega oi davaria unai.
32 Matakani ia abia dae lasi tauna ese, sibona ena mauri ia negea noho, to sisiba hereva ia kamonai noho tauna ese, laloa kehoa ia davaria noho.
