15Ebene egela epetapi dolopoligiya, ebe tetelo 120 nanitabokobi midipiate walo dakaladabutiya, Pitate ibino taneba magumulo maigate iba꞉tamo ma kunu kiyawaiya,
16“Ekakiala꞉, Godokono Uliyanate dopamo Da꞉ibidikono tabone Yudasikono tanaloma꞉ degiya, ebe Buka apuno tabote nanitaboma꞉ keda꞉ma꞉ olalati tanalote ebetamo eba kunu ebema꞉ maigiya. La꞉ iyatawalata Yudasiko aimano tanebadawa idima꞉ eda꞉nami, iyo, Ya꞉sute ebe elawi ago kapimiya woko kosiyodilonama꞉. Wiyasiya me dubute idoko idilo Ya꞉suko anakapumipi eba walubilinalo, iba꞉te ebe ebo laweniya.”