7 Atwerrp anewikw ikwerenh Sapphira aylpenhek, apal-antey.
8 Peter-el ayernek, “Ntwa amern-angketyarr tharlemilek man irrkaty ikwer-antey. Ananias-el man ingkerrenh-antey akngetyek?” Sapphira-el ilek, “Ya, kel ra anthek, ingkerrenh-antey, lipwel-antey yanhan!”
9 Peter-el ilek, “Mpwelanth irrtywerremel Itnweng Rlwartek. Artwa yanh-rnem rtnenherreyel arriw-itwel. Rernem Ananias-tangkwel akwernek. Ikwer-penhan rernem ngenh-anem akwernem.”
10 Sapphira aytnerl-alhek, ilwemel-anem. Artwa rernem aylpenhek, Sapphira arrewaly-anem arey-alhek. Rernem renh akngek, akwernetyek anewikw ikwerenh-itwek.
11 Tyaty-areny-rnem rernem-anem aterirrek. Akngerr ingwer-rneman aterirrek arrpemarl.
12 Ingkart-kenh angkakert-rnemel arntety-rnem mwerrilek Akngey-kenh Itnweng-akertel. Jesus-arl apentenh-rnem anyentirrenh Solomon-kenh Lywenty-itwek.
13 Artwa ingwer-rneman inkwerelhek. Rernemap ikwer-rnem-itwek anyentirrey-angenharl.
