4 Ma Arua Vivivireina anatapui i vioai ma pona taputapunei ava i bababani Arua ana aguei.
5 Nai maranaina mai Jew patupatutui dobu au anatapuna i vitaomana au Jerusalem da Pentecost torelana ita apui.
6 Ma patarai kampa i viruberubei, ma i nonori da gugurana lamna tauvitumaḡana taui tagotagigiava ai ponei i bababani ma taui ai nota i kwa.
7 Taui anatapui i baei ma taui ava i babani vivira i pa, “Wei mai Galili bo?
8 Ma menanarena da anataputa awarita ata ponei e bababani!
9 Tauta ḡelauta mai Parthia, Mede ma Elam, ma mai Mesopotamia, Judea, Capadosia, Pontus ma Eisia, Pirijia, Pamphilia, Egypt ma Libya navanavana, au Sairini au ḡereḡerena, ma ḡelauta mai Rome,
11 ḡelaui mai Jew ma ḡelaui Jentail wate inibori i vaia da i vimai Jew. Ma ḡelauta mai Crete ma mai Arabia. Wate God kaua ḡaeḡaena i kaukaueia, ata ponei i bababaniei ma ta nononori!”
12 Taui anatapui i vinuanaina, nuanuai i raḡaraḡa ma i bababani vivira, “Wei aiwai kauana e tuputupua?”
13 Wate ḡelaui taui i vinamei i pa, “Wei ravai i uma bua!”
14 Anina ma Peter i vomairi Apasol 11 maiteni, ma ponana ḡaeḡaenei patara awarii i babani, Au rava mai Jew ma anatapumi au Jerusalem maemaemi, babani ana tere-kauei da ona aramanei. Ona rautaniḡana kaua.
15 Wei marinaota, 9 kilok ubaubanai! Wei ravai eḡa ita uma bua me taumi o notanotai nanare,
16 Wei lamna wariaḡa peroveta Joel i ririweia e tuputupua:
17 Mara au damona,
18 Wate nanare, Aruau ana iwaḡi au taunola nelarai ma waivinei awarii,
19 Ma kaua babai au mara ana kauei,
20 Ma madeḡa ina waguvarei
21 Nai au marana aiavoi da Bada awarina e viviḡore agu aubaina Bada taui ina vilawani.
22 Ma Peter i babani me: Mai Israel ona rautaniḡana: God Iesu Nasaretei i vovai-virewapani da kaua babai, ma mataira ḡaeḡaei i kauei da ita viatataiemi da tauna anina Godei i nei.
23 Wate God wariaḡa i viogei ma ana ḡoana nanare da Iesu au urami i terei, ma taumi ḡoʼapoapoe ravai ai aguei, Tauna au korosi o tuparatui da o viraḡeni.
24 Wate God, Iesu iraḡelei i vovaimairini, ma iraḡe iniviarana i vaitawanei ma iraḡe eḡa tagotagogina da tauna ita vojijini.
25 Wariaḡa David Iesu i bababaniei maranai i riwa:
26 Lamna aubaina nuaiai orau i oai ma menau i morelana,
27 Ma aruau eḡa rava irairaḡei ai au dobu ma voterei,
28 Tam lawana etanaina u viatataieu,
29 Au rava, A riwana-kauemi da amata gulau David iʼraḡe da i doboi, ma ana kokoaga weka e mamae.
30 Wate David lamna peroveta, ma i aramanei da God i parivainuaḡani da ana damei gulau ina opu, me tauna nanare.
31 Ma David i ʼnanai God muriai aiwai ina kauei ma i riwa,
