7 Apmer Mysia-arl arey-alhek-penh, rernem ilkelhek apmer Bithynia-warl alhetyek. Jesus-kenh Itnweng arrkngert angkek ikwer-rnem.
8 Rernem Mysia-angkwarr anper-alhek Troas tawen-warl.
9 Apmer ikwer-itwek Paul-el altyerr arek ingwel. Ra artwa Macedonia-areny arek, ikwer yangkelhekarl, “Macedonia-warl apetyay anwekantherr-warl, anwenhantherr akalty-anthetyek.”
10 Ingwepenh-antey anwantherr rtnwek nthwey-ayntek apmer Macedonia ikwer-warl artarnpenhetyek kwaty-angkwarr. “Anwantherr iterl-arek Akngey anwekantherr yangkelhek, Macedonia-areny-rnem akalty-anthetyek.”
11 Troas-itwek anwernantherr rtnwewarl nganek. Anwernantherr Samothrace ikwer-warl artarnpenhek. Ikwer-penhan arlta ingwerelan Neapolis ikwer-warl-anem.
12 Tawen ikwer-they anwernantherr ingkel-anem alhek apmer Philippi-warl. Philippi ra tawen ilkwa anenh apmer Macedonia-itwek. Tawen ikwer-itwek Rome-areny akngerr anenh. Tawen ikwer-itwek anwernantherr arlta irrpety-inger anenh.
